региональное заседание учителей гагаузского языка и литературы!
Kiriyet küüyün D.Tanasoglunun adına gimnaziyasının gagauz dili hem literatura üüredicisi, Çadır rayonun gagauz dili hem literatura üüredicilerin metodika toplumuna baalı 6-ncı klasta açık urok hem 8-nci klasta açık meropriyatiye verdi. Uroon teması — Ardlaflar. D.Kara Çoban «Suratsız». Uroon neetlerinä koyulmuştu ardlaflarını bilmää, tanımaa, kullanmaa, cümledä erini göstermää; lafların maanalarını açıklamaa, tekstin temasını, öz fikirini annamaa, personajlara harakteristika vermää. Koyulmuş neetlär tamannandılar. Üürenicilär kendi meraklıını eni temaya gösterdılär, sözünü zenginnettilär, tekstın açıklamasında pay aldılar hem praktik işlerini yaptılar.
Klastan dışarı meropriyatiye intelektual oyunu «Kim isteer olmaa haliz gagauz» 8-nci klasta geçti. Üürenicilerin önünä te bu neetlär koyuldular:
1.Üürenicilerin bilgilerini aklında tutturmak hem bütünneştirmäk.
2.Çiftlän çalışmakta becermää sesirgenmää kafadarın düşünmeklerinä, becermää inandırmaa kendi dooruluunda, saburlu olmaa, dayanaklı başkasının cuvabına. 3.İlerletmää üürenicilerin meraklıını gagauz dili hem literatura üürenmesindä. 4.Logikalı düşünmäk, hızlı düşünmäk becermeklerini ilerletmää, dooru karara gelmää deyni yardımcı olmaa. 5.Annayışlılıı, dikatlıı, intuiţiyayı hem hazırcuvapçılıı geliştirmää.
6.Terbi etmää sevgi gagauz halkına, kulturasına, literaturasına, dilinä hem dininä.
Üürenicilerä teklif edildi dört yardım, angılarını var nicä kullanmaa sade birär kerä. 1. «ZALDAN YARDIM» Herbir üürenici (siiredicilerdän) bilärseydi dooru cuvabı, kaldırȇr elini da oyuncular söleerlär kimdän yardım bekleerlär. Sora da cuvap ederlär. Musaafirlerä danışmaa deyni T.Zanetin şiirini kullandık.
BU LAFI LÄÄZIM BİLMÄÄ,
BECERİP TA KULLANMAA.
DOSTUN BÜÜKSEYDİ SENİN- ONA DEERLÄR CANABİN.
2. «50:50» «Elli elliya» yardımda üüredici söleer oyunculara angı iki variant diil dooru. Üürenicilär kalan ikidän dooru cuvabı bulȇrlar.
3. «DOSTA ZİL» Oyuncu var nicä mobil telefondan birkaç minudun içindä nasaat sorsun üüredicilerdän, gagauz yazıcılarından. Neetlendik T.Zanetä telefon açmaa, yardım istemää. 4. «YANNIŞLAA HAK» Üürenicilerin var hakı bir kerä yannışlık yapmaa, ama onnar lääzım ilktän sölesinnär, ki kullanaceklar bu yardımı.
Birinci çift: Çolak Egor hem Taşoglo Väçeslav;
Çolak Egor şkola olimpiadasında herbir predmetta er aldı.
Taşoglo Väçeslav pek beener voleybol oynamaa.
İkinci çift: Dan Aleksandr hem Arabacı Sergey; Dan Aleksandr güreşmektä 1-nci, 2-nci, 3-ncü erleri dayma alȇr. Arabacı Sergey beener sportlan zanaatlanmaa.
Üçüncü çift: Kürkçü Karina hem Telpiz Anastasiya; Kürkçü Karina gagauzça lafetmää beener. Telpiz Anastasiya fizkultura uroklarında en ii notaları kazanȇr.
Dördüncü çift: Kiriyakoglo Sergey hem Avramov Aleksandr; Kiriyakoglo Sergey bobasının maşınasını kullanmaa becerer. Avramov Aleksandr en islää gagauzça lafeder.
Beşinci çift: Çolak Barış hem Berezov Nikita. Çolak Barış masa futbolunu becerer oynamaa. Berezov Nikita taa bir üürenici, angısı voleybola çok vakıt harcȇȇr.
Oyunun simvolu gagauz çotrası oldu.O gösterer bizä istedii, ani oyun lääzım yortulu geçsin. «HALİZ GAGAUZ» oldular Çolak Egor hem Taşoglo Väçeslav. Onnara diplomnarı hem Gagauz Erin «pasportları» verildi. Svetlana İvanovna Jelezoglo hazırladı 8-9 klasın üürenicilerinnän bir gagauz oyununu «Oglan,Oglan» Anna Kirillovna oyunun bitkisindä kutladı enseyicileri te bu laflarlan: Saygılı üürenicilär! Bän kutlȇȇrım sizi oyunda ensemäklän. Üürenmektä başarılar dileerim. Olasınız vatanı, gagauz dilini, dinini, literaturasını, istoriyasını, kulturasını sevän vatandaşlar! Bir kerä bilä unutmayasınız demää lafları «BÄN GAGAUZUM». Taa da doorusu «Bän haliz gagauzum». Hepsinizä «saa olunuz» oyuna katılmak için. Kalın salıcaklan!
YAŞASIN GAGAUZLUK!
GAGAUZ DİLİ ASİRLERDÄ YAŞASIN!
